Hosam says: لا تلم قلبك الذى عشق انسانا لا يستحق, فلو كان قلبك يعلم هذا لولدت بقلب لا يدق.

Hosam says: ممكن محدش يتكلم فى اللى ملهوش فيه؟ .. تبقى ماشى فى امان الله تسمع بقا كلام الناس .. انا سمعت و الله اعلم ان فلان الفلانى اتفق مع بطلجية علشان يعملوا معرفش ايه .. و كاميليا شحاتة ده بقا اسلمت و خطفوها معرفش فين و حصل ايه بالنسبة بقا للبرادعى ده اساسا كان بيشتغل حلاق معرفش ايه و حكايته اهى و رغى رغى رغى و الرغى ده هيودينا فى داهية

لو سمحتم ممكن محدش يتكلم فى اللى ملهوش فيه؟

Hosam says: انا مقتنع بانه مفيش فتنة طائفية فى مصر اطلاقا لكن فيه غباوة طائفية

احنا بنحل المشكلة كانها فتنة طائفية فنطلع واحد مسلم و واحد مسيحى مع بعض و الدنيا اشطة لكن المشكلة مش كده اساسا .. مش فى الفتنة طائفية لكن فى الغباوة الطائفية و لازم نتعامل معاها على الاساس ده و نفهم الاغبية اللى مش بيفهموا من هنا و من هنا.

Hosam says: كن مختلف عن الاخرين ولا تكن مخالف للاخرين

لا تخالف الاخرين فى كل شئ و لكن استمع لهم و اختلف معهم ان استدعى الامر او كان لك راى اخر و لكن لا تخالفهم دائما لمجرد ان تكون مخالف لانه حينها ستكون متخلف و لست مختلف.

Hosam says: الاسلام هو الاسلام دين واحد لا نختلف فى مبادئه او فى ثوابته, ربنا نختلف فى الزيادات تقربا لله فانا اصلى فى الليل ركعتين و انت تصلى 10 لله و لكن هذا ليس اختلاف بيننا .. الاسلام لا يقبل بوجود تيارات هذا سلفى و هذا اخوانى و هذا ليس و ليس و كل فئة هتعتقد انها تملك الاسلام و سيحاسبون على ما يفعلون

Hosam says: المشكلة مش هتتحل كده .. هنقول مش احنا اللى حرقنا الكنيسة و مش هيصدقوا و هيتحرق جامع و هيقولوا مش احنا و مش هنصدقهم .. مينفعش ننكر ان فيه حالة من الاحتقان موجودة ممكن بين بعض الطبقات مش كل المسلمين و مش كل المسيحيين لكن انكار المشكلة ده مش هيخلينا مش ندور على الحل .. و مينفعش كل يومين نجيب فى التليفزيون واحد مسلم و واحد مسيحى بيسلموا على بعض و فى نشرة الاخبار اللى بعدها خناقة بين مسلمين و مسيحيين .. لازم يكون فيه عندنا توعية دينيه اساسا و نعرف اننا كمسلمين مؤمنين بالمسيحية كدين و ان الرسول وصانا على المسيحيين و المفروض نحميهم .. لازم الكنيسة برده تبقى مقتنعة بكده ساعتها هيكون خوفنا على بعض و على بلدنا جاى من جوانا مش قدام التليفزيونات بس.

Hosam says: من الحكمة احيانا ان تكون غبيا و من الغباء دائما ان تعتقد ان من حولك اغبياء

Hosam says: لا اتصور نفسى, ماذا لو لم اولد مسلما؟ ماذا لو لم اولد عربيا؟ ماذا لو لم اولد مصريا؟ .. الحمد لك يا ربى فقد اعطيتنى و لم اطلب .. اللهم اعينى على شكرك و حسن عبادتك.

Hosam says: اعتقد ان اكثر الناس سعادة هم الاغبياء, فقد يسمع كثيرا انه غبى لكنه غالبا لا يفهم و يظل سعيدا

Hosam says: الاكونت بتاع ادسينس اتقفل يا رجالة .. قال ايه اكتشفوا انه ليه علاقة باكونت تانى اتقفل

اشوفك فى بيت العَدَل يا جوجل

Hosam says: ما جبتهالوش حمرا ليه يا زوزو

الف مبروك يا عادلى

Hosam says: هل كنت رئيسا للحزب ام رئيسا للدولة؟؟ و ان كنت رئيس للدولة فلماذا كنت تستمتع فقط بتصفيق حزبك لك و لم تلتفت لبكاء الدولة؟؟ ان كان يكفيك تصفيق و تهليل حزبك لك فهو لك افعل به ما تشاء و كنت اترك الدولة .. و طالما انك رضيت ان تكون حاكما للدولة فخذ عقابك منها جزاء ما فعلت بها

Hosam says: ما أُخِذَ بالقوة لا يُسْترَدُّ بغير القوة .. جمال عبد الناصر

Hosam says: بتيجى فى دماغى افكار روعة و انا بزاكر فى فترة الامتحانات و دماغى بتتشغل بالافكار ده جامد .. و بعد الامتحانات بنسى كل الافكار اللى جتلى

ده اسمه الهروب النفسى .. ان دماغك بتحاول تسيب المزاكرة فبتفكر غصب عنك فى حجات تانية
بس للاسف الحجات اللى بفكر فيها بتكون حجات جامدة فعلا :):)

Hosam says: يقتلون بن لادن و ما علينا الا التصفيق!! .. لا نصفق تضامنا معهم و لكن نصفق خوفا من المصير .. عار عليكم يا عرب ان تصفقوا للقتله .. عار عليكم ان تبتسموا فى وجوهم كي لا يغضبوا عليكم .. كم كنت اتمنى الا اكون عربى فى ذلك اليوم

لست متضامنا مع ارهابيا حتى و ان كانت اهدافه نبيله و لكن هل هو وحده القاتل و الارهابى؟؟
هل نحن اصبحنا لا نرى مرغمين الا ما يرون  و لا نفكر الا كما يفكرون

Hosam says: ربنا لا تجعلنى فتنة للناس و لا تجعل الناس فتنة لى .. اللهم اغفر لى و ارحمنى و ادخلنى الجنة برحمتك و مغفرتك فان عملى لا يدخلنى من بابها وانت الغفور الرحيم

Hosam says: ادعولى علشان ورايا امتحان بكرة .. اللى هيدعيلى هدعيله و اللى مش هيدعى برده هدعيله ان شا الله ما حد حوش

Hosam says: قال ايه .. اسرائيل هتضرب مصر لو فتحت المعبر لغزة .. انا هقولكم رائى المتواضع فى الموضوع ده

بص يا سيدى
موضوع فتح معبر غزة ده فى مصلحة اسرائيل مش ضد مصلحة اسرائيل اساسا
اسرائيل قافلة على غزة و عاملة عليها حصار شديد من جميع الاتجاهات ما عدا مصر .. بمعنى تانى انها بتفرض على غزة ان يكون مخرجهم الوحيد و المنفذ الوحيد هو مصر .. يعنى من الاخر بتزق غزة على مصر و طبعا الراى العام هيضغط على مصر علشان تفتح المعابر و ده مصلحة اسرائيل
اسرائيل عاوزه تزق غزة على مصر علشان يكون البوابة الرئيسية لغزة هى مصر و بالتالى يتم تهجير الفلسطينيين الى سيناء و على المدى الطوييييل يتم تنفيذ المخطط اليهودى باقامة دولة فلسطينية فى سيناء .. او على المدى القريب لما غزة تتفتح على مصر فهيكون فيه نوع من عدم السيطرة على الحدود المصرية و ربما تنشا مشاكل بين مصر و غزة و بالتالى اسرائيل تستفيد من هذه الخلافات او حتى تنشط تجارة السلاح و المخدرات و الهجرة الغير شرعية و بالتالى يكون فيه مبرر لاى عمل اسرائيلى
فالخبر ده حاجة من اتنين
اما انه خبر غير حقيقى و قد تم نقله من اوساط اسرائيلية غير مسئولة و تم تضخيمه اعلاميا
او انه خبر عن جهة رسمية اسرائيلية و بالتالى يكون الهدف منه ان المصريين يتمسكوا بالموضوع ده اكتر كنوع من العند لاسرائيل مع انه الموضوع فى مصلحتها اساسا
لكن اللى مقتنع بيه انه اسرائيل بتلعب على الموضوع ده من زمان اساسا

Hosam says: قال امن الدولة قال .. صدق اللى قالك الاسماء لا تعلل

Hosam says: قناة التحرير .. راديو التحرير .. حزب التحرير .. اسرة التحرير .. تيشيرت التحرير .. ليكوا عليا لما اخلف ولد اسميه تحرير

خد عندك كمان .. مسلسل التحرير و فيلم التحرير و اغنية التحرير و كاباريه التحرير و اهو كله تحرير

Hosam says: ليت الحياة تستحق

Hosam says: لا افهم .. كيف نستاذن من اعدائنا؟؟

Hosam says: هما لعيبة مصر فاكرين ان المرمى مكانه فى نص الملعب؟

Hosam says: يا ترا بعد ناصر 56 و ايام السادات الفيلم بتاع مبارك هيتكلم عن ايه؟؟

Hosam says: مصر تحتاج الان الشخص المناسب فى المكان المناسب .. فلا حاجة لنا بشرطة تزيل مخالفة عن ابن رئيس الوزراء لياتى رئيس الوزرار ليصر على دفع الغرامة .. بل نحن فى حاجة الى شرطة تمنع ابن رئيس الوزراء من الهروب من دفع الغرامة

نحن لسنا فى حاجة الى شرطة تفتح الطريق الى محافظ القاهرة كى يدخل يقول صوته فى الاستفاتاء متخطيا النظام و لكن نحتاج شرطة تمنع المحافظ من ان يفعل ذلك ان هو اراد .. شرطة تجبر الجميع على النظام لا شرطة تخالف النظام

Hosam says: اهنئ مصر برجوع سيناء لها .. عقبال رجوع المصريين

Hosam says: لا تهرب من المشكلة بتركها بل اهرب من المشكلة بحلها

و احيانا يكون تركها هو حلها

Hosam says: هل جربت ان تمشى فى طريق به مصابيح تجعله كالصباح فى المساء .. ثم تجد شوكة فى الارض فتكره الطريق باكلمه .. لولا المصابيح لما رايت الشوكة مع انها موجودة و لولا المصابيح لما كرهت الطريق .. لا تكرهوا من قاموا بالثورة فلولاهم لما رايتم ما تروا الان

لا تكره المصابيح التى جعلتك ترى الشوكة

Hosam says: اقف اجلالا و احتراما لعصا استاذى .. فهى التى علمتنى

Hosam says: كم انتى جميلة يا عريش

اشعر نسماتك البارده الخفيفة تداعب وجهى الدافئ, و ارى سماءك الزرقاء بسحابها الداكن وقت الغروب مزينة بالنجوم اللامعة .. هذه ليست كلمات شعرية .. هذه هى العريش

Hosam says: اللى اوله شرم اخره طره .. Masrawy.com

Hosam says: طيب حد فاكر كراتيه؟؟ .. كراتيه ده كان منتج من الذرة عادى و كان الكيس ب 10 قروش و احنا لحد دلوقتى بنقول على كل المنتجات ده كراتيه

كنت بجيب 2 و لبانة بربع جنيه

Hosam says: حد فاكر كوتشى اميجو اللى كان حلم كل طفل مصرى :D :D

عاوز كوتشى اميجو

Hosam says: لا تزيد من قدر التفاهة بالتفاتك اليها

Hosam says: من لم يتذوق طعم الملح لا يعرف قدر حلاوة السكر

Hosam says: تقارير: مستشفى سجن طره لا تصلح لاستقبال مبارك .. اذا كان مشفهاش و هو رئيس يبقى لازم يجربها و هو مسجون

Hosam says: بعد حلقة الكفراوى على دريم .. بقول لمبارك: لا انت مبارك ولا اعرفك

Hosam says: حجات كتير فى البلد اسمها مبارك و عاوزين نغيرها .. طيب ما نغير اسم مبارك نفسه اسهل

ولا انتوا رايكم ايه :)

Hosam says: المصريين عاوزين ياكلوا التورتة و هى فى الفرن

علشان التورتة تتعمل لازم تتحط فى النار شوية علشان تبقى تورتة

Hosam says: من سيئات الثورة المصرية انه مفيش حاكم عربى هسيب الحكم ابدا خصوصا بعد بوادر محاكمة مبارك...

زمانهم بيقولوا مش كنتوا صبرتوا شوية .. هههه

Hosam says: تقريبا كده المصريين لقوا حل للبطالة و عملوا شغلانة اسمها ثوار

Hosam says: التاريخ لا يصنع الحضارة .. و الحضارة هى ان اصنع انا الحاضر مش استورده من الصين

الحضارة هى التى تصنع التاريخ

Hosam says: hello :)

This is a blog of short blogging, something like twitter or facebook, i write short status.